عمي العراقيين أهل “الطفگة” لگينة الوطن.. بعد ماكو حفافة بالشوارع!

0
13

كتب : أياد الامارة

▪ *الحمد* لله..
حمداً كثيراً..
الوطن الضايع لگيناه!
وبعد ما “نبغج” بهتاف “نريد وطن”!
الوطن لگيناه، وهذا هو موجود..
الحمد لله..

الدولار صعد سعره “قفز”..
الموازنة بلا وظائف..
و مَن أقترض مبلغ ٣٠٠ مليون دينار لمشروع زراعي وسدد ما سدد منها سيُعفى من تسديد الباقي!
شتريد بعد الفقراء؟
هاي موازنتهم بإمتياز..

السلع تصعد أسعارها لأن مرتبطة بالدولار، أريد أعرف الفقير بشنو راح يتضرر؟
وظائف ماكو بشنو راح يتضرر الفقير؟
نهتم بعروض الأزياء بالخارج، وحفلات التزحلق على الجليد، وإعمار  القصور بشنو راح يتضرر الفقير؟

عمي العراقيين أهل “الطفگة” لگينة الوطن..
بعد ماكو حفافة بالشوارع..
والدوام بالمدارس والجامعات يرجع..
وفوج مكافحة الدوام راح نعامله معاملة الكيانات المنحلة..
ومناصب مستشار ومشاور و “ابتدأ المشوار” موجودة بالجملة وبجميلة وجميلة انتِ جميلة عراقية وأصيلة..

نريد وطن!
ولگينا الوطن..
سلامنا وتحياتنا للسيد إبراهيم الصميدعي.
لا يتعب السيد نفسه ويتابع ويحچي ويحلل ويحرم..
لگينة الوطن!
والموازنة هم راح تمشي بروس الفقرة، لا يتعب السيد الصميدعي نفسه رجاء، هذا هو الوطن!
عاجبه؟ 
هذا الوطن. 
ما عاجبه؟ 
هذا الوطن. 
وبيتنا ونلعب بيه شعليها بينا الناس؟

____________________________

وكالة نخلة : المقال يعبر عن رأي كاتبه وحق الرد مكفول.

اترك رد

يرجى إدخال تعليقك!
يرجى إدخال اسمك هنا